20元可以買到幾多舊叉燒？答案是......
發布時間： 2015/04/29 12:24
最後更新： 2015/04/30 09:50
20元可以買到幾多舊叉燒? 小編好少到街市買餸，不清楚現時街市行情，於是四周向朋友打探:
你有無買過廿蚊叉燒? 大約有幾多舊?
朋友答﹕梗係有廿蚊買啦，上星期先買過，用嚟叉燒炒蛋，不過好似愈來愈少，但唔知有幾多舊喎!
有網民昨日（28日）在「盡在元朗」的facebook社群發帖，稱到元朗忠輝燒味店購買20元叉燒，因分量太少感到超級不爽，他更指自己很久沒有「斬料」加餸，揶揄：
物價真係通脹！
從網民貼出的圖片可見，飯盒內有7舊叉燒，帖子迅即吸引大批網民留言。
1. 質疑派
有網民力撐忠輝燒味抵食，質疑是斬叉燒者一時失手。
你係咪食咗先泥（編按：來）影呀、果道好底（編按：抵）架喎！
我以前係果頭返工，成日係忠輝斬义燒廿蚊都冇咁少，不過都半年前。
忠輝店ok㗎！底(抵)食又好食！我諗佢一時失手啫！
2. 共鳴派
不少網民認同發帖者感受，認為20元只有7「舊」叉燒太少，不如燒味單拼飯的分量，更有網民貼圖佐證。
平時叉飯啲料差唔多。
廿蚊叉燒，咁少？
食盒叉燒飯重多過佢。
5蚊黎架？
3. 安慰派
網民認為物價通脹，20元買到叉燒已是「奇跡」，更指20元買豬肉的分量都是差不多。
魚旦都十蚊啦！
係少咗D！不過而家D野貴！
20蚊都有盒俾你？
TOPick小編根據帖文，在openrice網查到忠輝的價目表，每斤叉燒的價錢是72元斤，以1斤16兩計算，20元可以買到4.4兩的叉燒。
小編再以食客身份打去三間連鎖快餐店，對比下外賣叉燒的價格，只有太興燒味可以最低購買20元，美心MX快餐及大家樂都要半斤起。
| 店鋪 | 每斤價格（元） | 最少購買 |
| 太興燒味 | 90 | 20元 |
| 美心MX | 83 | 48元（半斤） |
| 大家樂 | 80 | 45（半斤） |
對比以上三間快餐店，忠輝每斤叉燒僅售72元，的確算是較抵食，只是不知師傅斬20元叉燒時會否磅重。
各位讀者，你們認為20元7舊叉燒，合理嗎？
